Topp 16: Gosdrykkir

Það drekka allir gosdrykki er það ekki? Jú hélt það líka, hérna eru þeir 16 bestu sem ég hef smakkað...

16: Póló

Mjög spes glær drykkur með tyggjókúlubragði. Ekki góður, ekki vondur bara mjög spes á bragðið en venst þó og verður betri með hverjum sopa. Mæli með því að tjékka á þessum drykk sem fyrst því Bónus er að farað hætta með hann, 2 L kosta aðeins 98 Karl!

15: Fanta Lemon

Mesti lala drykkurinn á þessum lista, er t.d. bara góður ískaldur

14: Pepsi Max

Voða basic drykkur sem maður drekkur volgan með núðlunum á miðvikudagskvöldi yfir Bráðavaktinni, eini sykurlausi drykkurinn sem komst inn á listann

13: Fanta Exotic

Byrjar mjög vel en verður svo mjög leiðinlegur, sérstaklega er pirrandi hvað það er lítið gos í honum

12: Fanta

Fínt jájá

11: Faxe Kondi

Get engan veginn lýst bragðinu, minnir kannski einna mest á þrúgusykur. Mætti þó vera meira gos í honum. Fæst því miður einungis í Europris sem er lengra út úr bænum en Mjólkurbúið!!!

10: Schweppes Ginger Ale

Mjög gott engiferöl. Hef reyndar ekki smakkað neina aðra tegund af þeim drykk þannig að kannski er þetta bara ógeðslega vont

9: Egils Orka

Tel þetta ekki með sem orkudrykk, finnst þetta meira skylt gosdrykkjum þrátt fyrir koffeinmagnið. Snilldarbragð þrátt fyrir að vera sykurleðja. Drykkur sem maður drekkur spari

8: Cherry Cola

Eins og nafnið gefur til kynna þá er þetta kók með kirsuberjabragði. Væri jafnvel ofar á listanum ef það væri meira gos í því (mjög hvimleiður galli í sumum tegundum gosdrykkja)

7: Mix

Gamla góða Mixið klikkar aldrei (nema þegar þeir framleiddu það með 50% minna sykurmagni). Samt sem áður ekki drykkur sem maður drekkur reglulega, er einhvern veginn of spes að mínu mati

6: Pepsi

Ahh, ætla ekki útí kók vs. Pepsi rökræðurnar, mér finnst Pepsi mjög góður drykkur, bara ekki jafn góður og þeir sem eru í næstu 5 sætum fyrir ofan

5: Pepsi Twist

Þessi drykkur var á markaðnum einhvern tímann á milli 2000 og 2005. Bragðaðist eins og venjulegt Pepsi sem búið væri að kreista passlega mikið af sítrónusafa út í. Mjöög góður drykkur sem mætti mín vegna skipta út fyrir venjulega Pepsíið (nema á Kenny samt)

4: Sprite

Mest frískandi gosdrykkur sem ég veit um. Ef Guð hefði ekki skapað vatnið þá væri það Sprite sem rynni úr krananum heima hjá fólki

3: Rímix

Eins og öllum ávöxtum heims hefði verið blandað saman við vatn, sykur og koltvísýring. Sumum finnst hann væminn en mér finnst hann fullkominn. Hinn eini og sanni sumardrykkur

2: Appelsín

Hættum að monta okkur yfir þessu skyri, það er appelsínið sem túristarnir eiga að fá að kynnast

1: Kók

Þetta er nú gefið, enda er þessi drykkur sá besti í heimi ásamt íslenska vatninu. Svo basic að þetta er bara kallað kók, svona eins og Bítlarnir eru kallaðir Bítlarnir en ekki The Beatles...

Topp 10: tölvuleikir

Ætla að koma með nýjan dálk sem mun bera heitið topp 10, sem gæti breyst í topp 5 eða topp 15 eða topp milljón!  Fer allt eftir viðfangsefninu hverju sinni. Í þetta skiptið ætla ég að taka fyrir uppáhalds tölvuleikina mína.

10.  Wario Land 3 (2000) (Game Boy Color)

Þrátt fyrir að vera Playstation-maður þá má Nintendo eiga það að þeira kunna að gera góða platformleiki! Þennan leik fengum við bræðurnir árið 2002 og ég var ennþá að spila hann þegar ég var busi í framhaldsskóla (með góðum hléum þó). Náði samt aldrei að klára hann og hann er týndur núna. FML.

 

9.  Buzz!: The Music Quiz (2005) (PlayStation 2)

Spurningaleikur um tónlist, þarf ekki að segja meira. Buzz-leikirnir sem fylgdu á eftir ná ekki sömu gæðum og þessi að mínu mati, þó Hollywood Quiz hafi verið góður að vísu.  Á mjög góðar minningar frá því í 10. bekk/fyrsta ár í FSu tengdar þessum leik.

 

8.  Medal of Honor: Frontline (2002) (PlayStation 2)

Einfaldur 1. persónu skotleikur, tilvalinn fyrir þá sem sökka í slíkum leikjum, en ég er einmitt einn af þeim. Útlitið og tónlistin vega líka stórt enda mikil áhersla lögð á þessi atriði í herbúðum Electronic Arts. Heimsstyrjaldarfílingurinn er stór plús í þessum leik.

 

7.  FIFA 99 (1998) (PlayStation)

Einn af mínum fyrstu tölvuleikjum. Kynnti mig fyrir þeirri snilld sem FIFA leikirnir eru. FM hvað?

 

 

6.  Medal of Honor: Rising sun (2003) (PlayStation 2)

Útlitslega einn flottasti leikur sem ég hef spilað. Spilunin mjög þæginleg líka.

 

 

5.  Warcraft 2 (1995) (PC)

Er lítið fyrir herkænskuleiki og meira og minna alla PC-leiki en þessi leikur er bara of góður. Einfaldur, langur (ég lít á það sem kost), skemmtilegur og flottur leikur þrátt fyrir að vera barns síns tíma, enda er þetta ein vinsælasta herkænskuserían í leikjaheiminum. Varð fyrir virkilegum vonbrigðum þegar ég prófaði Warcraft 3 eftir að hafa spilað þennan.

 

4.  FIFA Football 05 (2004) (PlayStation 2)

Fyrsti almennilegi FIFA-leikurinn frá því FIFA 99 kom út (að vísu var FIFA 2003 lala). Í þessum leik var í fyrsta skiptið komið almennilegt manager mode og spilunin var orðin ásættanleg.

 

3.  Grand Theft Auto: San Andreas (2004) (PlayStation 2)

Besta spilun í GTA-leik að mínu mati. Söguþráðurinn, útlitið, TÓNLISTIN!. Allt fullkomið. Besta þó finnst mér hvað hann er langur og passlega léttur/erfiður.

 

2.  Crash Bandicoot 2: Cortex strikes back (1997) (PlayStation)

Fyrsti Playstation leikur okkar bræðra, en þessi leikur var keyptur ásamt Playstation-tölvunni okkar í Fríhöfninni árið 1998. Besti platform-leikur sem ég hef prófað (já, ég hef prófað Super-Mario leikina). Þessi leikur hefur allt. Útlitið, gallalausa spilun, snilldar tónlist sem minnir mjög mikið á Depeche Mode, fínan söguþráð o.m.fl.  Það sem er þó best við þennan leik er það hversu langur hann er og hvað það er mikið af leynum og leyniborðum, þannig að það er endalaust hægt að finna eitthvað nýtt í honum. Ekki skemmir fyrir að þegar maður fer í pause menu þá getur maður séð í prósentum hversu langt maður er kominn með leikinn (mjög þæginlegt að hafa það á hreinu). Það var líka langskemmtilegast að spila hann þegar maður var orðinn eldri og átti sjéns á að vinna leikinn. Ég vil meina að þessi leikur sé bæði barna og fullorðinsleikur,það fer eftir því hversu langt þú kemst í leiknum. Þetta er svona eins og að skilja brandarana í Simpsons eða hafa gaman af þeim vegna þess að þetta er teiknimynd. Ef þið skiljið hvað ég meina...

1.  Grand Theft Auto: Vice City (2002) 

Já ég veit, ég er 80's hóra (leikurinn gerist árið 1986).  Það sem heillar mig mest við þennan leik er hversu vel framleiðendunum tekst upp með að endurskapa andrúmsloftið á 9. áratugnum. Útlitið er ótrúlega vel gert (bylting að mínu mati, enda var Playstation 2 ný tölva á þessum tíma og grafíkin í leikjunum eftir því), tónlistarvalið gæti ekki verið betra, söguþráðurinn er á lengd við gott kvikmyndahandrit og spilunin er guðdómleg (mikil framför frá GTA 3 þó svo að sá leikur hafi verið mjög góður). Sem sagt, GTA: Vice City er langbesti leikur sem ég spilað, og spilar þar aðallega inn í hversu góður heildarsvipurinn á leiknum er. T.a.m. er spilunin skemmtilegri í GTA: San Andreas, og verkefnin aðeins skemmtilegri í GTA: Vice City Stories en þegar öll atriðin eru tekin saman þá hefur Vice City vinningin.  

Hurts - Happiness

Fyrsta plata nýju uppáhaldshljómsveitarinnar minnar kom út í dag og ber heitið ''Happiness''.  Hún hefur að vísu ekki verið að fá góða dóma en mér er alveg sama, þetta er glænýtt band sem hljómar eins og Depeche Mode og Tears for fears, það eitt og sér er alveg nógu góð ástæða.  En ef ég þekki Skífuna rétt (ég þekki hana mjög vel skohh), þá mun platan ekki koma hingað fyrr en eftir nokkrar vikur, en maður vonar það besta, svona er að vera diskanördi.

Lagalistinn:

1.	"Silver Lining"	4:58
2.	"Wonderful Life"	4:14
3.	"Blood, Tears & Gold"	4:18
4.	"Sunday"	3:52
5.	"Stay"	3:55
6.	"Illuminated"	3:18
7.	"Evelyn"	3:54
8.	"Better Than Love"	3:33
9.	"Devotion" (featuring Kylie Minogue)	4:12
10.	"Unspoken"	4:46
11.	"The Water" (contains hidden track "Verona", starting at 4:45)	6:58

Blogg

Fyrsta bloggið í sögu þessarar síðu sem mun líklega deyja út fyrir næstu áramót, ef ekki þá, þá mun það deyja út 21. desember 2012...eða hvað?